New Zealand மற்றும் Sri Lanka அணிகளுக்கிடையிலான Test தொடரின் முதலாவது போட்டி இன்று Christchurch மைதானத்தில் ஆரம்பமானது. WTC இறுதி போட்டிக்கு தேர்வாவதற்கான மிக முக்கியமான தொடராக இலங்கை அணிக்கு இத் தொடர் அமைந்துள்ளமையால் மிகுந்த எதிர்பார்ப்புடன் களமிறங்கியது இலங்கை அணி.

ஆட்டத்தில் நாணய சுழற்சியில் வெற்றி பெற்ற New Zealand அணி பந்துவீச்சை தெரிவுசெய்தது. முதலில் துடுப்பெடுத்தாடிய இலங்கை அணி ஆரம்பத்தில் Oshada Fernando இன் விக்கெட்டை இழந்திருந்தாலும் Dimuth Karunaratne மற்றும் Kusal Mendis இன் சிறப்பான இணைப்பாட்டத்தில் ஓட்டங்களைக் குவித்தது. அதிரடியாக ஆடிய Kusal Mendis 83 பந்துகளில் 87 ஓட்டங்களைப் பெற்று சதம் பெறும் வாய்ப்பை இழந்து ஆட்டமிழந்தார். அடுத்த ஓவரிலேயே Dimuth Karunaratne உம் 50 ஓட்டங்களில் ஆட்டமிழக்க அனுபவ வீரர்களான Mathews மற்றும் Mendis இணை களம் கண்டது.

சிறப்பான துடுப்பாட்டத்தை வெளிப்படுத்திய Chandimal மற்றும் Mathews முறையே 39 மற்றும் 47 ஓட்டங்களில் ஆட்டமிழக்க பின்னர் களம் இறங்கிய Dhananjaya De Silva மற்றும் Rajitha ஆட்டமிழக்காமல் 39 ம‌ற்று‌ம் 16 ஓட்டங்களுடன் களத்தில் இருக்க முதல் ஆட்டம் நிறைவுக்கு வந்தது.

முதல் நாளில் வீசப்பட்ட 75 ஓவர்கள் நிறைவில் இலங்கை அணி 6 விக்கெட் இழப்பிற்கு 305 ஓட்டங்களைப் பெற்றுள்ளது.