மகிழ் திருமேனி இயக்க லைகா நிறுவனம் தயாரிக்கும் விடாமுயற்சி படத்தில் நடித்துவரும் அஜித், முதல் கட்ட ஷூட்டிங் அஜர்பைஜானில் தொடங்கி நடந்து முடிந்தது. அடுத்தக்கட்ட ஷூட்டிங் எப்போது எங்கே தொடங்கும் என்ற எதிர்பார்ப்பில் AK ரசிகர்கள் இருக்கிறார்கள். இந்தச் சூழலில் அஜித்தும் ஆதிக் ரவிச்சந்திரனும் இணையவிருக்கும் படத்துக்கு குட் பேட் அக்லி என்று பெயர் வைக்கப்பட்டுள்ளது. இந்தச் சூழலில் குட் பேட் அக்லியில் நடிக்கவிருப்பதாக ஒரு ஹீரோயினின் பெயர் அடிபடுகிறது.
இந்தப் படத்தில் அஜித் மூன்று கெட்டப்புகளில் தோன்றவிருப்பதாகவும்; படம் காமெடி ஜானரில் உருவாகவிருப்பதாகவும் கூறப்படுகிறது. அதாவது விஜய் இப்போது GOAT படத்தில் நடித்துவருகிறார். அதில் அவருக்கு ஜோடியாக மீனாட்சி சௌத்ரி நடிக்கிறார். தற்போது குட் பேட் அக்லி படத்தில் அவரை தனக்கு ஜோடியாக நடிக்க வைக்க ஆதிக் ரவிச்சந்திரனிடம் அஜித் கேட்டுக்கொண்டதாகவும்; அதனையடுத்து அவரும், பட தயாரிப்பு நிறுவனமும் மீனாட்சி சௌத்ரியிடம் பேச்சுவார்த்தை நடத்தப்பட்டுவருவதாகவும் கூறப்படுகிறது.