சர்வதேச ஒருநாள் துடுப்பாட்ட வீராங்கனைகளில் இலங்கை அணித் தலைவி சமரி அத்தபத்து மீண்டும் முதலாம் இடத்தைப் பெற்றுள்ளார்.

மகளிர் ஒருநாள் துடுப்பாட்ட தரவரிசையில் சமரி அத்தபத்து முதலாம் இடத்தைப் பெற்றது இது இரண்டாவது தடவையாகும்.

2023 ஜூலை 3ஆம் திகதியிலிருந்து 12ஆம் திகதிவரை சிறிது காலத்திற்கு அத்தபத்து முதலிடத்தில் இருந்தார். அதன் பின்னர் பெத் மூனியும் அவரைத் தொடர்ந்து நட்டாலி சிவர் பரன்ட்டும் முதலிடத்தை அடைந்தனர்.

தென் ஆபிரிக்காவுக்கு எதிரான சர்வதேச ஒருநாள் கிரிக்கெட் தொடருக்கு முன்னர் தரவரிசையில் இரண்டாம் இடத்திலிருந்த சமரி அத்தபத்து, தொடர் முடிவில் 773 புள்ளிகளுடன் முதலிடத்திற்கு முன்னேறியுள்ளார்.