தலைமுடி சாதாரணமாக தினமும் குறைந்தபட்சம் 100 முடிகள் உதிர்கின்றன. ஆனால் இதற்கும் அதிகமாக உங்களுக்கு தலைமுடி உதிர்ந்தால், உடனே மருத்துவரைச் சந்தித்து ஆலோசனை கேட்டுக் கொள்ளுங்கள். தலையில் ஒரு இடத்தில் மட்டும் அதிகமாக முடி கொட்டி இருந்தால் அது அலோபேசியா அரேட்டா (Alopecia areata), இது ஒரு வகையான முடி உதிர்வு பிரச்சனை,

இந்நோய் தாக்கினால் நமது தலையில் திட்டு திட்டாக முடி உதிர்வு ஏற்படும். இது சிறியவர்கள் முதல் பெரியவர்கள் வரை அனைத்து வயதினரையும் தாக்கும். ஆட்டோ இம்யூன் நோயான இது அலர்ஜியும் முடி உதிர்வையும் உண்டாக்கும்.

இது மற்ற ஆட்டோ இம்யூன் நோய்கள் போலவே பரம்பரை ரீதியாக வரக் கூடியது. தைராய்டு குறைபாடு, மல்டிபிள் ஸ்களீரோசிஸ், வெண்புள்ளி, முடக்கு வாதம், குடல் அழற்சி நோய், டைப்-1 டயாபடீஸ் மற்றும் செலியாக் நோய் போன்ற குறைபாடு உள்ளவர்களுக்கு அல்லது இந்நோயினால் பாதிக்கப்பட்ட குடும்பத்தைச் சேர்ந்தவர்களுக்கு அலோபேசியா நோய் தாக்கும் அபாயம் அதிகமுள்ளது.