இஸ்பஹான் நகரத்தில் அணுஉலை பாதுகாப்பாக உள்ளதை காண்பிக்கும் வீடியோவை ஈரானின் அரச ஊடகம் வெளியிட்டுள்ளது.
ஈரானின் புரட்சிகர பாதுகாவலர் படைப்பிரிவிற்கு நெருக்கமான டஸ்னிம் செய்தி முகவர் அமைப்பு இஸ்பஹான் அணுஉலை பாதுகாப்பாக உள்ளது என்ற செய்தியுடன் இந்த வீடியோவை வெளியிட்டுள்ளது.
இஸ்பஹான் அணுதொழில்நுட்ப நிலையத்திற்கு அருகில் ஒருவர் தனது கைக்கடிகாரத்தை ஆராயும் வீடியோவொன்றை ஈரான் ஊடகம் வெளியிட்டுள்ளது.
வான்வெளிபாதுகாப்பு பணியில் ஈடுபட்டுள்ள பல படையினரையும் வீடியோ காண்பித்துள்ளது.
இந்த அணுசக்தி நிலையத்தில் யுரேனியத்தை வேறுவடிவத்திற்கு மாற்றும் தொழில்நுட்பம் காணப்படுகின்றது என தெரிவிக்கும் உலக அணுசக்தி சங்கம் இங்கு யுரேனியம் ஹெக்சாபுளோரைட் உற்பத்தி செய்யப்படுகின்றது என தெரிவித்துள்ளது