இலங்கை வெளிநாட்டு வேலைவாய்ப்பு பணியகத்தின் ஊழியர்கள் டிசம்பர் மாதத்திற்கான போனஸ் வழங்குமாறு கோரி பணியகத்தின் தலைவரை அறையொன்றில் வைத்து நேற்று (12) ஆர்ப்பாட்டத்தில் ஈடுபட்டனர்.

இரண்டு மணி நேரத்திற்கும் மேலாக நடந்த இந்த போராட்டத்தால் அலுவலக வளாகம் கடும் சூடுபிடித்தது.

இலங்கை வெளிநாட்டு வேலைவாய்ப்புப் பணியகத்தில் 1400 இற்கும் மேற்பட்ட ஊழியர்கள் பணியாற்றுகின்றனர். மற்றொரு பிரிவினர் பொது மேலாளரை வீட்டுக்காவலில் வைத்து தங்களுக்கு உரிமைகளை வழங்கக்கோரி போராட்டம் நடத்தினர்.

ஊழியர்களின் பிரதிநிதிகள் குழுவுடன் கலந்துரையாடிய பின்னர், இன்று (13ம் தேதி) சாதகமான பதில் அளிப்பதாக நிர்வாகம் உறுதியளித்துள்ளது. அதன்படி, போராட்டத்தை கைவிட்ட ஊழியர்கள் மீண்டும் பணியில் ஈடுபட்டனர்.