சொகுசு பேருந்தில் மோதி வயோதிப பெண் ஒருவர் பரிதாபமாக உயிரிழந்துள்ளார்.இந்த சம்பவம் இன்று பிலியந்தலை – மிரிஸ்வத்த சந்திப் பகுதியில் இடம்பெற்றுள்ளது.
பூ பறிப்பதற்காக வீட்டிலிருந்த வீதியைக் கடந்து மீண்டும் அதே வீதியைக் கடந்து வீடு திரும்ப முயற்சிக்கும் போது, பிலியந்தலையிலிருந்து கெஸ்பேவ நோக்கி பயணித்த சர்வதேச பாடசாலைக்குச் சொந்தமான சொகுசு பேருந்தில் மோதி அவர் உயிரிழந்துள்ளார்.
பேருந்து சாரதி கவனக்குறைவாகப் பேருந்தை செலுத்தியதே விபத்துக்குக் காரணம் என்று காவல்துறை விசாரணையில் தெரியவந்துள்ளது.இதனைத் தொடர்ந்து பேருந்து சாரதி கைது செய்யப்பட்ட நிலையில், அவரை கெஸ்பேவ நீதிவான் நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளது.
