புத்தாண்டு காலத்தை முன்னிட்டு கொழும்பு மற்றும் புறநகர் பகுதிகளுக்கு செல்லும் பயணிகளின் பயணத்தை இலகுபடுத்தும் வகையில் இலங்கை போக்குவரத்து சபையும் (SLTB) தேசிய போக்குவரத்து ஆணைக்குழுவும் இன்று (13) பஸ் சேவைகளை முன்னெடுக்க நடவடிக்கை எடுத்துள்ளன.

மக்கள் சிரமமின்றி கிராமங்களுக்கு செல்வதற்காக இன்று பஸ்கள் சேவையில் ஈடுபடுத்தப்பட்டுள்ளதாக இலங்கை போக்குவரத்து சபையின் பொது முகாமையாளர் திரு.பந்துல சவர்ணஹன்ச தெரிவித்தார்.

அத்துடன், இன்று (13) விசேட தனியார் பஸ் சேவையொன்று சேவையாற்றப்படுவதாக தேசிய போக்குவரத்து ஆணைக்குழுவின் பணிப்பாளர் நாயகம் கலாநிதி நிலான் மிரண்டா தெரிவித்தார். மேலும் தேவையான கூடுதல் பேருந்துகள் தயார் நிலையில் இருப்பதாகவும் அவர் கூறினார்.

மக்களின் பயண வசதிக்காக 300-க்கும் மேற்பட்ட கூடுதல் பேருந்துகள் இயக்கப்பட்டுள்ளதாகவும், பயணிகள் அதிகம் உள்ள இடங்களுக்கு கூடுதல் பேருந்துகளை அனுப்பவும் அவர் அறிவுறுத்தியுள்ளார்.

இன்று (13) வரை நீண்ட தூர சேவை பஸ்கள் வழமை போன்று இயங்கும் என இலங்கை தனியார் பஸ் உரிமையாளர்கள் சங்கத்தின் தலைவர் கெமுனு விஜேரத்ன தெரிவித்தார்.