இந்த நாட்டிலுள்ள வைத்தியசாலைகளுக்குத் தேவையான 151 வகையான மருந்துகளில் 83 மருந்து வகைகள் இதுவரை கொள்வனவு செய்யப்பட்டுள்ளதாக சுகாதார அமைச்சர் டொக்டர் கெஹலிய ரம்புக்வெல்ல நேற்று பாராளுமன்றத்தில் தெரிவித்தார்.

இன்னும் இரண்டு அல்லது மூன்று வாரங்களில் இன்னும் பல மருந்துகள் பெறப்படும் என்றும், அதனால் இந்த காலாண்டின் இறுதிக்குள் உடல்நலத்தில் இருக்கும் பல பிரச்சனைகளை தீர்க்க முடியும் என்றும் அவர் கூறினார்.

நாட்டில் மருந்துப் பொருட்களுக்கு தட்டுப்பாடு நிலவுவதாக எதிர்க்கட்சித் தலைவர் சஜித் பிரேமதாச தெரிவித்த கருத்துக்கு பதிலளிக்கும் போதே அமைச்சர் மேற்கண்டவாறு தெரிவித்தார்.

எதிர்க்கட்சித் தலைவரினால் முன்னெடுக்கப்பட்ட ஹஸ்மா நிகழ்ச்சித்திட்டத்தின் மூலம் இந்த முயற்சிக்கு உயர்வான ஆதரவு கிடைத்துள்ளதாகவும், தேர்தலுக்குப் பின்னரும் இந்த முயற்சிக்கு ஒவ்வொரு தரப்பினரும் பங்களிக்குமாறும் அமைச்சர் கேட்டுக் கொண்டார்.

எந்தவொரு அத்தியாவசிய சத்திரசிகிச்சையும் ஒத்திவைக்கப்படவில்லை என்றும், சுகாதார அதிகாரிகளுடன் கலந்தாலோசித்து தாமதமாகக்கூடிய அறுவை சிகிச்சைகள் மட்டுமே குறுகிய காலத்திற்கு ஒத்திவைக்கப்பட்டுள்ளதாகவும் அவர் மீண்டும் வலியுறுத்தினார்.