பூமியின் மேற்பரப்பில் உள்ள அதிக ஆற்றல் உடைய எலக்ட்ரான் உதவியுடன்,நிலவில் நீர் கூறுகள் உருவாகியிருக்க வாய்ப்புள்ளதாக நேச்சர் அஸ்ட்ரானமி என்ற அறிவியல் இதழில் வெளிவந்த ஆய்வுக் கட்டுரையில் குறிப்பிடப்பட்டுள்ளது.
கடந்த 2008ல் நிலவில் நீர் கூறுகள் உள்ளதா என்பதை கண்டறிய, சந்திரயான் – 1 விண்கலம் விண்ணில் ஏவப்பட்டது.
நிலவின் சுற்றுவட்ட பாதையில் வெற்றிகரமாக நிலைநிறுத்தப்பட்டது.இந்த விண்கலம் தொலைவில் இருந்தபடியே நிலவை ஆய்வு செய்து, தரவுகளை பூமிக்கு அனுப்பியது.
இந்த தரவுகளை, அமெரிக்காவின் ஹவாய் பல்கலைக்கழக ஆய்வாளர்கள் குழுவினர் ஆய்வு செய்தமைக்கமைய, அதன் முடிவுகளையே நேச்சர் அஸ்ட்ரானமி என்ற அறிவியல் இதழ் வெளியிட்டிருந்தமை குறிப்பிடத்தக்கது.
இதன்படி, நிலவில் உள்ள நீரின் செறிவு, விநியோகம் அதன் உருவாக்கம் மற்றும் பரிணாம வளர்ச்சியை புரிந்துகொள்வதும், நிலவில் மனிதர்கள் எதிர்காலத்தில் ஆய்வு மேற்கொள்ள நீர் ஆதாரங்களை வழங்குவதும் முக்கியமான பணி என, ஆய்வாளர்கள் தெரிவித்துள்ளனர்.