அநுராதபுரம் போதனா வைத்தியசாலையில் கடமையாற்றிய 09 வைத்தியர்கள் வைத்தியசாலையை விட்டு வெளியேறியுள்ளதாகவும் இவர்களில் 06 வைத்தியர்கள் இரண்டு வருடங்கள் ஐந்து வருடங்களாக விடுமுறை எடுத்துள்ளதாக வைத்தியசாலை வட்டாரங்கள் தெரிவிக்கின்றன.

போதனா வைத்தியசாலையில் இருந்து நான்கு சிறுவர் வைத்திய நிபுணர்கள் வெளியேறியமையினால் குறித்த வார்டு மூடப்பட்டு சிகிச்சை பெற்ற சிறுவர்கள் வேறு வார்டுகளுக்கு மாற்றப்பட்டுள்ளனர்.

ரஜரட்ட பல்கலைக்கழக மருத்துவ பீடத்தின் பேராசிரியர் பிரிவுக்கு சொந்தமான சிறுவர் பிரிவு மூடப்பட்டுள்ளதால் மருத்துவ மாணவர்கள் மருத்துவ பயிற்சி பெறும் வாய்ப்பை இழந்துள்ளனர்.

அநுராதபுரம் போதனா வைத்தியசாலையின் பணிப்பாளர் துலான் சமரவீர இது தொடர்பில் தெரிவிக்கையில், விசேட வைத்தியர்கள் வெளியேறியுள்ளதாகவும் மற்றுமொரு வைத்தியர்கள் குழு வெளியேறியுள்ளதாகவும் தெரியும் எனினும் எத்தனை பேர் என கூறமுடியாது.

மேலும், பேராசிரியர் மருத்துவ வளாகப் பிரிவில் 63வது வார்டில் உள்ள மருத்துவர் பற்றாக்குறை குறித்து கல்வி அமைச்சும் சுகாதார அமைச்சும் அறிந்திருப்பதாகவும், அந்தப் பிரச்சினைகளுக்கு இதுவரை தீர்வு கிடைக்கவில்லை என்றும் அவர் கூறுகிறார்.

போதனா வைத்தியசாலையின் பல வைத்தியர்கள் விடுமுறை எடுத்து வெளிநாடு செல்வது எப்பொழுதும் நடப்பது கடமையாகும் எனவும் வைத்தியசாலை பணிப்பாளர் வலியுறுத்துகின்றார்.

அநுராதபுரம் போதனா வைத்தியசாலையின் பணிப்பாளர் துலான் சமரவீர மேலும் தெரிவிக்கையில், சேவையை விட்டு வெளியேறி வெளிநாடு சென்ற வைத்தியர்கள் சார்பில் சுகாதார அமைச்சினால் பலர் பரிந்துரைக்கப்பட்டுள்ளதாகவும் வைத்தியர்கள் வெளிநாடு செல்வதால் நோயாளர்கள் பெரிதும் பாதிக்கப்படவில்லை எனவும் தெரிவித்தார்.