இரு நாட்டு கடற்படைகளுக்கும் இடையே நல்லுறவு மற்றும் ஒத்துழைப்பை மேம்படுத்துவதற்காக இரண்டு நாள் முறையான பயணமாக இந்திய கடற்படை கப்பலான ஐஎன்எஸ் பெட்டி மால்வ் இலங்கையின் திருகோணமலை துறைமுகத்திற்கு வந்துள்ளதாக இலங்கை கடற்படை தெரிவித்துள்ளது.

101 பேர் கொண்ட குழுவினர் பயணித்த இந்த கப்பலுக்கு இலங்கையின் கடற்படை மரபுகளின்படி, வரவேற்பளிக்கப்பட்டதாகவும் இலங்கையின் கடற்படை குறிப்பிட்டுள்ளது.

இந்த நிலையில் இந்திய கப்பலின் கட்டளை அதிகாரி, லெப்டினன்ட் கொமாண்டர் மான் சிங் எம் மானே, கிழக்கு கடற்படை கட்டளைத் தலைமையகத்தில் கிழக்கு கடற்படைத் தளபதி ரியர் அட்மிரல் தம்மிக்க குமாரவை சந்தித்துள்ளார்.