கட்சித் தலைவர்கள் கூட்டத்தை தாமதமின்றி நடத்துமாறு முன்னாள் இராஜாங்க அமைச்சர் ஜீவன் தொண்டமான் மற்றும் நாடாளுமன்ற உறுப்பினர் சுமந்திரன் ஆகியோர் சபாநாயகரிடம் கோரிக்கை விடுத்துள்ளனர்.

இந்த விடயம் குறித்து ருவிட்டரில் பதிவிட்டுள்ள ஜீவன், பாதுகாப்பு என்பது நாடாளுமன்ற உறுப்பினர்களுக்கு மட்டுமின்றி பொதுமக்கள் தொடர்பிலும் அக்கறை செலுத்த வேண்டியதொரு விடயமாகும் என தெரிவித்துள்ளார்.

எனவே, மெய்நிகர் முறைமையில் கட்சித் தலைவர்கள் கூட்டம் கூட்டப்படவேண்டுமென ஜீவன் தொண்டமான் தெரிவித்துள்ளார்.

இந்த நிலையில், ஜீவனின் கூற்றுக்கு ஆதரவு தெரிவித்த சுமந்திரன், கடந்த கூட்டத்தில் தீர்மானிக்கப்பட்டமை போன்று இன்றைய தினம் உரிய நேரத்தில் இணையவழி முறைமையில் கட்சித் தலைவர்கள் கூட்டம் நடத்தப்பட வேண்டும் என வலியுறுத்தியுள்ளார்.