உள்ளூராட்சி சபைத் தேர்தலுக்கான பிணைப் பணத்தை ஏற்றுக்கொள்வதை தற்காலிகமாக இடைநிறுத்துமாறு விடுக்கப்பட்ட சுற்றறிக்கை தேர்தல்கள் ஆணைக்குழு முன்னர் ஒப்புக்கொண்டவாறு சட்டமா அதிபருக்கு கடிதம் எழுதியதன் காரணமாகவே இரத்துச் செய்யப்பட்டதாக அரசாங்கத்தின் சிரேஷ்ட அமைச்சர் ஒருவர் தினமினவிடம் தெரிவித்தார்.

அமைச்சரவையில் எடுக்கப்பட்ட தீர்மானத்தின் பிரகாரம் மேற்கண்ட சுற்றறிக்கை வெளியிடப்பட்டுள்ளது.

உள்ளூராட்சித் தேர்தல் நெருங்கி வரும் வேளையில் தேர்தல்கள் ஆணைக்குழுவில் பிளவு ஏற்பட்டுள்ளமை தொடர்பில் கடந்த வாரம் தேர்தல்கள் ஆணைக்குழு உறுப்பினர்களுடன் ஜனாதிபதி ரணில் விக்கிரமசிங்க கலந்துரையாடி, வாய்மொழியாகவோ அல்லது எழுத்து மூலமாகவோ கலந்துரையாடுமாறு சட்டமா அதிபரிடம் கோரிக்கை விடுத்திருந்தார். சட்டமா அதிபருடன் இணைந்து தீர்வுகளை காண நடவடிக்கை எடுக்க வேண்டும்.ஜனா4திபதி அங்கு அறிவுறுத்தல்களை வழங்கியிருந்தார்.

அந்த கலந்துரையாடலில் எடுக்கப்பட்ட தீர்மானங்கள் குறித்து தேர்தல்கள் ஆணைக்குழு எழுத்துப்பூர்வமாகவோ அல்லது வாய்மொழியாகவோ எந்தவொரு அறிவித்தலையும் அமைச்சர்கள் சபைக் கூட்டம் வரைக்கும் சட்டமா அதிபருக்கு அனுப்பி வைக்கவில்லை எனவும் அரசாங்கத்தின் சிரேஷ்ட அமைச்சர் குறிப்பிட்டுள்ளார்.

இந்த நிலையில், உள்ளூராட்சி சபைத் தேர்தலுக்கான பிணைப் பணத்தை ஏற்றுக்கொள்வதை தற்காலிகமாக இடைநிறுத்துவதற்கு அமைச்சர்கள் சபை எடுத்த தீர்மானம் தொடர்பிலேயே இந்த சுற்றறிக்கை வெளியிடப்பட்டுள்ளது.

சுற்றறிக்கை வெளியிடப்பட்டதன் பின்னர், தேர்தல்கள் ஆணைக்குழு சட்டமா அதிபரிடம் எழுத்துமூல சமர்ப்பணத்தை சமர்ப்பித்து சுற்றறிக்கையை இரத்துச் செய்வதற்கு நடவடிக்கை எடுத்ததாக சிரேஷ்ட அமைச்சர் மேலும் குறிப்பிட்டார்.

உள்ளுராட்சி மன்றத் தேர்தலை எந்தவொரு சந்தர்ப்பத்திலும் பிரிவினையின்றி நடாத்துவதற்கு ஒரே நிலையில் இருந்து செயற்படுமாறு ஜனாதிபதி தேர்தல்கள் ஆணைக்குழுவிற்கு பணிப்புரை விடுத்துள்ளதாக சிரேஷ்ட அமைச்சர் மேலும் தெரிவித்தார்.