கொழும்பின் சில பகுதிகளுக்கு இன்று (மார்ச் 04) பிற்பகல் 02.00 மணி முதல் நாளை (மார்ச் 05) பிற்பகல் 02.00 மணி வரை நீர் விநியோகம் நிறுத்தப்படும்.

கொழும்பு 01, 02, 03, 04, 07, 08, 09, 10 மற்றும் 11, கடுவெல நகரம், கொலன்னாவ நகர சபைப் பகுதி மற்றும் வெல்லம்பிட்டிய மற்றும் கொட்டிகாவத்தை ஆகிய பகுதிகளுக்கு 24 மணித்தியால நீர்வெட்டு அமுல்படுத்தப்படவுள்ளது.

மாளிகாகந்த நீர்த்தேக்கத்திற்கு நீர் வழங்கும் குழாயின் பராமரிப்பு பணிகள் காரணமாகவே இந்த நீர் வெட்டு அமுல்படுத்தப்படுவதாக தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.

இதேவேளை, வெல்லம்பிட்டிய சந்தியிலிருந்து கொலன்னாவ சந்தி வரையான வீதி இன்று (மார்ச் 04) முதல் தற்காலிகமாக மூடப்படும் என இலங்கை பொலிஸார் அறிவித்துள்ளனர்.

தேசிய நீர் வழங்கல் மற்றும் வடிகால் வாரியம் (NWSDB) இந்த வீதியில் நீர் விநியோக குழாய்களை அமைக்க திட்டமிட்டுள்ளதால், வாகன ஓட்டிகள் மற்றும் பாதசாரிகளுக்கு நாளை காலை 9.00 மணி முதல் ஞாயிற்றுக்கிழமை (மார்ச் 05) நண்பகல் 12 மணி வரை தடை விதிக்கப்பட்டுள்ளது.இந்த காலப்பகுதியில் மாற்று வீதிகளை பயன்படுத்துமாறு பொலிஸார் பொதுமக்களிடம் கோரிக்கை விடுத்துள்ளனர்.