எரிபொருள் விநியோகத்திற்காக இலங்கையில் நடைமுறையிலுள்ள கியூ.ஆர் முறை தொடர்பில் அறிவிப்பொன்று வெளியாகியுள்ளது.மின்சக்தி மற்றும் வலுசக்தி அமைச்சர் கஞ்சன விஜேசேகர இந்த விடயத்தை தெரிவித்துள்ளார்.

தனியார் தொலைக்காட்சி ஒன்றில் இடம்பெற்ற நிகழ்ச்சியில் கலந்து கொண்டு கருத்து தெரிவிக்கும் போதே அவர் இந்த விடயத்தை குறிப்பிட்டுள்ளார்.மேலும் தெரிவிக்கையில், எரிபொருள் விநியோகத்திற்காக தற்போது நடைமுறைப்படுத்தப்படும் கியூ.ஆர் முறைமை எதிர்வரும் 3 மாதங்களின் பின் நீக்கப்படும்.

இலங்கை மின்சார சபையை மறுசீரமைப்பதற்கான சகல நடவடிக்கைகளும் பூர்த்தி செய்யப்பட்டுள்ளன.இது தொடர்பான யோசனை அடுத்த மாதம் நாடாளுமன்றத்தில் முன்வைக்கப்படும் என அவர் குறிப்பிட்டுள்ளார்.