ஏப்ரல் 14 மாலை அஹுங்கல்ல, மித்தரமுல்லையில் இடம்பெற்ற துப்பாக்கிச் சூட்டுச் சம்பவத்தில் இளைஞர் ஒருவர் உயிரிழந்துள்ளார்.

இரண்டு குழந்தைகளுடன் மோட்டார் சைக்கிளில் சென்ற 29 வயதுடைய நபர் மீது மோட்டார் சைக்கிளில் வந்த இருவர் துப்பாக்கிச் சூடு நடத்தியுள்ளனர்.

துப்பாக்கிச் சூட்டில் பலத்த காயமடைந்த இளைஞன் பலப்பிட்டிய வைத்தியசாலையில் அனுமதிக்கப்பட்டிருந்த போதிலும், பின்னர் அவர் உயிரிழந்துள்ளார்.

துப்பாக்கிச் சூட்டில் பலியானவர் அதே பகுதியை சேர்ந்தவர் என போலீசார் தெரிவித்தனர்.

இதேவேளை, துப்பாக்கிதாரிகள் துப்பாக்கிச் சூடு நடத்தியதில் மோட்டார் சைக்கிள் வீதியை விட்டு விலகி கவிழ்ந்ததில் சிறு காயங்களுக்கு உள்ளான இரண்டு சிறுவர்களும் வைத்தியசாலையில் அனுமதிக்கப்பட்டுள்ளனர்.

துப்பாக்கிச் சூட்டைத் தொடர்ந்து சம்பவ இடத்திலிருந்து தப்பிச் சென்ற இரண்டு குற்றவாளிகளைப் பிடிக்க அஹுங்கல்ல பொலிஸார் சம்பவம் தொடர்பான மேலதிக விசாரணைகளை மேற்கொண்டு வருகின்றனர்.