இன்று (மார்ச் 22) காலை அவிசாவளையில் இருந்து கொழும்பு கோட்டைக்கு இயக்கப்படவிருந்த அலுவலக புகையிரதம் தடம் புரண்டதன் காரணமாக ரத்து செய்யப்பட்டதாக ரயில்வே திணைக்களம் தெரிவித்துள்ளது.

கொழும்பு கோட்டை புகையிரத நிலையத்தில் இருந்து அவிசாவளை நோக்கி புறப்பட்ட குறித்த புகையிரதம் மீகொட புகையிரத நிலையத்திற்கு அருகில் தடம் புரண்டுள்ளதாக திணைக்களத்தின் பேச்சாளர் ஒருவர் குறிப்பிட்டுள்ளார்.

இதனால், இன்று காலை அவிசாவளையில் இருந்து கொழும்பு கோட்டைக்கு மற்றுமொரு புகையிரதத்தை சேவையில் ஈடுபடுத்த முடியாமல் திணைக்களம் தெரிவித்துள்ளது.

எவ்வாறாயினும், பாதுக்காவில் இருந்து வாகா புகையிரத நிலையம் வரை புகையிரதத்தை இயக்க நடவடிக்கை எடுக்கப்பட்டுள்ளதாகவும் ரயில்வே அதிகாரிகள் குறிப்பிட்டுள்ளனர்.