முட்டைகளுக்கென நிர்ணயிக்கப்பட்டுள்ள கட்டுப்பாட்டு விலையை விட, முட்டைகளை குறைந்த விலையில் கொள்வனவு செய்ய முடியுமென அகில இலங்கை முட்டை உற்பத்தியாளர்கள் சங்கத்தின் தலைவர் ஆர்.எம்.சரத் ரத்நாயக்க தெரிவித்துள்ளார்.
இதன்படி அதிக விலை கொடுத்து முட்டைகளை வாங்க வேண்டாமென நுகர்வோரிடம் கோரிக்கை விடுப்பதாகவும் அவர் கூறினார்.
ஒரு வெள்ளை முட்டை மொத்த விலையில் 40 ரூபாவுக்கும், கபில நிற முட்டை 41 ரூபாவுக்கும் வியாபாரிகளுக்கு விற்பனை செய்யப்படுகிறது. பேக்கரிகளிலிருந்து 44 – 45 ரூபாவுக்கு முட்டை கொள்முதல் செய்யப்படுவதாகவும் அவர் கூறினார்.
வெள்ளை முட்டை ஒன்று 44 ரூபாவாகவும், கபில நிற முட்டை ஒன்று 46 ரூபாவாகவும் நுகர்வோர் அதிகாரசபை கட்டுப்பாட்டு விலையை பிறப்பித்துள்ள போதிலும், இம்மாத இறுதிக்குள் முட்டையின் விலை மேலும் குறைவடையுமெனவும் அவர் குறிப்பிட்டுள்ளார்.